Miles 50/50 para maging EB Dabarkads uli

I-FLEX
ni Jun Nardo

KAHIT pinatayan ng ilaw sa APT Studios si Miles Ocampo, tuloy pa rin siya sa kanyang inihandang production number with matching back up dancers sa Eat Bulaga last Saturday.

Hopia si Miles na muling kababalik on stage sa Bulaga matapos siyang “matanggal” sa segment ng Bida-Ex ng programa.

Para ma-impress ang Tito, Vic and Joey na nagbigay sa kanya ng chance para makakabalik sa show, pinasok ni Miles ang pagiging camera woman, jester, at lights woman sa Sugod Bahay.

Pero bigo pa rin si Miles na tanggapin muli kahit may baon siyang Knock Knock jokes.

Abangers tayo ngayong araw sa Eat Bulaga kung mapapabilang muli na Eat Bulaga Dabarkads si Miles.