HATAW! D'yaryo ng Bayan hatawtabloid.com
ALAM MO NA!
ni Nonie Nicasio
MAGANDA ang chemistry ng dalawang bagets na sina Jhassy Busran at Heindrick Sitjar at magpapakilig sila via the movie Home I Found In You (HIFIY). Ang kanilang love team ay binansagang JhasDrick.
Paano niya ide-describe katrabaho si Heindrick?
Wika ni Jhassy, “He is very kind and sweet po. Very passionate sa ginagawa niya, magaan po siyang katrabaho and isu-support ka po talaga niya sa mga eksena. Very focus siya kapag may eksena na ite-take and nakahahawa ‘yun sa kanya. Kaya sana ma-satisfy namin ang mga manonood nito and of course sina direk.”
Ang kanyang latest movie ang itinuturing niyang biggest break. “Maituturing ko pong biggest break itong HIFIY, kasi I really expect a lot sa movie namin na ito because I know na it is really a good movie,” nakangiting sambit ng 16 year old na dalagita na ang naunang movies ay Caught In The Act at Genius Teens (chapter 1&2).
Dagdag niya, “Ako po rito si Selene, probinsiyana po na gustong makapag-aral upang maiahon sa hirap ang kanyang pamilya. Mahilig po ako ritong magpinta. RomCom po ang genre ng HIFIY.”
Tiniyak din ng talented na dalagita na magpapakilig sila ni John sa movie. “Yes po and iyon ang mga dapat abangan dito,” matipid na sambit niya.
Si Jhassy ay isang singer/actress na kahit baguhan sa showbiz ay nakakuha na ng ilang acting awards para sa short film na Pugon. Kabilang dito ang IFFM (New York) – Jury’s Best of the Best Performance of an Actress, Gully award – Best Child Actress, Ashoka International Film Festival 2021 – Best Child Artist, at WCEJA – Outstanding Lead Actress in Movie.
Mula sa direksiyon ni Gabby Ramos at under REMS Film, tampok din sa HIFIY sina Harvey Almoneda, Eunice Langusad, Diego, Orlando Sol, at Soliman Cruz.
