HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
MULING sumabak sa pagdidirehe ng sexy ang singer/aktor na si Jeffrey Hidalgo. Pero hindi basta-basta pagpapa-sexy kundi romance thriller naman, ang Lampas Langit na pinagbibidahan nina Christine Bermas, Baron Geisler, Ricky Davao, Chloe Jenna, Ivan Padilla, Milana Ikemoto, at Quinn Carrillo. Mapapnood na ito sa Agosto 19.
Ayon kay direk Jeffrey, kakaiba at nakaiintriga ang kuwento ng Lampas Langit, nastreaming exclusively sa Vivamax.
Kuwento ito ni Jake (Baron), isang struggling writer na problemado sa asawang si Mylene (Chloe). Sa condominium na tinitirhan nila, makikilala ni Jake ang sikat na manunulat at ang literary idol niyang si Arman (Ricky), kasama nito ang palagay nilang anak niyang dalaga na si Belle (Christine). Mapapalapit ang loob ni Jake kay Belle at magkakaroon sila ng sikretong relasyon.
Malalaman ni Arman at Mylene ang tungkol sa relasyon ng dalawa, at dito na isa-isang magbubunyag ang iba’t ibang sikreto, pati na ang lihim sa totoong pagkatao nina Arman at Belle.
Unang pelikula ni Jeffrey ang 2021 Vivamax Original Movie na Eva. Kaya sa Lampas Langit ma-hook sa mga plot twist at kumapit hanggang sa dulo.
Samantala bagamat baguhan palaban din sina Chloe at Milana.
Hindi ito ang unang pelikula ni Chloe, lumabas na rin siya sa Eva.
Kuwento ni Chloe, noon pa niya gustong mag-artista subalit hindi siya agad pinayagan ng kanyang mga magulang dahil gusto ng mga ito na makapagtapos muna siya ng pag-aaral. Sinunod naman niya iyon at nak-graduate siya ngTheater Arts major sa UP Diliman.
Ani Chloe handa siya sa anumang role na ibibigay sa kanya kaya naman wala siyang arte sa mga bed scene niya. Good thing na inilalayan siya ng kanilang direktor
“Pinasok ko ito, so I’m just excited sa opportunities na darating sa akin and I’m willing to take any challenge,” ani Chloe na napalaban kina Baron at Christine sa matitinding eksena.
Inamin ni Chloe na nahirapan siyang makipaghalikan sa kapwa babae, kay Christine.
“Pareho kaming nahirapan but ako, I tried to internalize it. Inisip ko na lang na si Christine talaga ang crush ko at nagawa naman namin,” anito.
JaPinoy naman si Milana na ang nagpalakas ng loob para magpa-sexy ay ang katwirang, “kung kaya nila kaya ko rin.”
At tulad ni Chloe handa rin siya sa anumang role na ibibigay sa kanya at gagawin niya ang lahat-lahat.
