Oyo Boy Sotto naaksidente 

MABUTI na ang kalagayan ng actor at anak nina Vic Sotto at Dina Bonieve na si Oyo Boy Sotto na ngayon ay nagpapagaling sa ospital dahil sa aksidente sa bisikleta kamakailan.

Sa kanya mismong Instagram ay ibinahagi ni Oyo na sumailalim siya sa arthroscopic joint reconstruction surgery.

Nag-post ito ng kanyang larawan habang nasa ospital na may caption na, “God is good! Surgery (Arthroscopic AC joint reconstruction) done! Had a bike accident last week that led to this,” 

“Lord Jesus, maraming salamat, You’re the best, I love you! To my wife, I love you very much! Thank you for taking care of me. Iba ka talaga.To my doctors, maraming salamat sa inyo,” dagdag niya.

Nagbigay din ito ng mensahe sa  publiko na mag-ingat sa lahat ng pagkakataon.

“Keep safe everyone and God bless you all. Let’s not forget to thank the Lord in good and especially in bad times,” sabi pa ni Oyo. (John Fontanilla)