Quantum muling sumabak sa telebisyon via What We Could Be

I-FLEX
ni Jun Nardo

SECOND time na ni Atty. Joji Alonso ng Quantum Films na sumabak sa telebisyon.

Isang family sitcom ang unang ginawa ni Atty. Joji, ang Oh My Dad ni Ian Veneracion.

Sa rom-com na What We Could Be, ang GMA Network naman ang naka-collaboration ng Quantum Films.  Lead actors dito sina Ysabel Ortega, Yasser Marta, at Miguel Tanfelix mula sa direksiyon ni Jeffrey Jeturian.

Maganda ang pagkakagawa ng movie. Magaling ang direksiyon ni Jeffrey at mahuhusay lahat ng cast mula sa bida hanggang sa support.

Sa Taal, Batangas kinunan ang series kaya naman ang matulaing lugar ang makikita. Bagong putahe, bagong trayanggulo ng pag-ibig ang mapapanood sa What We Could Be.

Mapapanood ito sa GMA Telebabad simula sa August 15 bilang kapalit ng Love You Stranger.