Maja opisyal nang EB Dabarkads

I-FLEX
ni Jun Nardo

PORMAL nang winelkam si Maja Salavador bilang opisyal nang Eat Bulaga Dabarkads noong Lunes.

Puno ng kasiyahan at pasasalamat si Maja lalo na’t nang magsimula sa Bulaga eh isang segment agad ang ipinagkatiwala sa kanya, ang Dancing Kween.

Wala pang announcement ang Bulaga kung mapapabilang din bilang Dabarkads sina Miles Ocampo at Beauty Gonzales na guest co-hosts.

Kasalukuyang naghahanap ng madidiskubreng Dabarkads ang longest running noontime show sa bagong segment na Bida The Next Dabarkads.

Samantala, sa sabong ng Bulaga versus It’s Showtime at LOL (Lunch Out Loud), namayani pa rin sa ratings ang Eat Bulaga!