Josef malaki ang isinakripisyo sa Purificacion

SHOWBIZ KONEK
ni Maricris Valdez Nicasio

TIYAK na pag-uusapan ang bagong pelikulang pinagbibidahan nina Josef Elizalde at Cara Gonzales, ang Purificacion kasama ang iba pang Vivamax bombshell na sina Ava Mendez, Rob Guinto, Kat Dovey, Stephanie Raz, at Quinn Carrillo.

Inamin ni Josef na sobrang tindi ang ginawa niya sa Purificacion kompara sa launching movie niyang Doblado na gumanap siyang psychotic killer.

Isang batang pari ang gagampanan ni Josef, si Fr. Ricardo Purificacion, parish priest sa isang lugar sa Santa Monica. Hinahangaan siya dahil sa kanyang magandang pag-uugali at dedikasyon at pagmamahal sa lokal na simbahan. Pero sa likod ng maamong mukha at mabuting pagkatao ay ang madilim niyang sikreto.

Sa pagdami ng mga report sa mga nawawalang kababaihan, magsisimulang mag-imbestiga si Police Inspector Gabriela Isidro (Cara) at pilit na hahanapin kung sino ang may pakana ng lahat ng ito.

Magiging katuwang pa ni Gabriela si Fr. Ricardo, sa pag-iimbestiga.

“Nilagyan ko ng sariling nuances ‘yung character. I watched some psychological thrillers to get a feel of how other actors interpret such nefarious characters with dark motivations,” ani Josef.

At nang matanong si Josef kung sino sa mga leading lady niya pinakaseksi at palaban, ito ang naging tugon niya.

“Lahat naman sila, very sexy at nakakaelya ang dating. At lahat sila, magaling. When I saw the trailer, I felt some goosebumps kasi ang gandang lumabas ng mga eksena namin, thanks to our director GB Sampedro who guided us all through it,” aniya.

Sa pagganap ni Josef na pari isinakripisyo niya ang kanyang hitsura, ang pagiging clean cut.

“So I had to lose my long hair and I also shaved all my facial hair,” sambitni Josef.

Mapapanood ang Purificacion sa Vivamax simula August 5, sa direksyon ni GB Sampedro.