HATAW! D'yaryo ng Bayan hatawtabloid.com
I-FLEX
ni Jun Nardo
WALANG sagot sa text namin si Daddie Wowie Roxas, manager ni Kapuso actor Joaquin Domagoso, nang hingan namin ng reaksiyon sa lumabas na balita sa online show ni Cristy Fermin na Lolo na si Yorme Isko Moreno.
Nanganak na raw kasi ang star na umano’y nabuntis ni Joaquin. Pero hindi binanggit ang name ng girl na anak daw ng isang broadcast journalist.
Narinig na namin ang tsimis na nakabuntis umano si Joaquin sa murang edad.
Hanggang sa lumabas na nga ang balita.
Promising si JD lalo na’t guwapo at mestizo pa. Sa Kapuso series na First Yaya na sinundan ng First Lady na may malaki siyang exposure with loveteam Cassy Legaspi.
Pero nitong nakaraang araw eh bihira na siyang lumabas lalo na’t last week na ngayon ng First Lady. Hindi na naman ordinaryo ang kaso ni Joaquin sa ilang batang artista na nagkaroon ng anak sa murang edad. Basta pagbutihin niya ang talento lalo na sa pag-arte, makababalik pa rin siya sa simula.
