Ai Ai dinumog nang pumasyal sa isang mall sa QC 

I-FLEX
ni Jun Nardo

PAYAPANG nakapasyal sa isang mall sa Quezon City si Ai Ai de las Alas kamakailan.

Naidineklara si Ai Ai na persona non grata ng QC City Council kamakailan kaugnay ng isang video ng kampanyang ginawa niya na umano’y binastos ang official seal ng QC.

Eh bago bumalik sa San Francisco, California, US para samahan ang asawa, tinapos ni Ai Ai ang series niyang Raising Mamay at nag-show pa sa Philippine Independence Day sa Japan.

Sa isang report, sinabi ng Comedy Queen na, “Hindi ako welcome sa mga taga-City Hall pero ‘yung mga tao sa Quezon City, welcome ako sa kanila!”

Touched nga si Ai Ai dahil sa mall na pinasyalan, maraming nagpakuha ng picture kasama siya.

Ai Ai will be back soon kapag nagsimula na ang Seasong 5 ng The Clash ng Kapuso Network.