John Lloyd tumanda ang hitsura 

MATABIL
ni John Fontanilla

MARAMI ang hindi nakakilala kay John Loyd Cruz nang pumasyal ito sa isang museum dahil malaki raw ang itinanda nito nang magka-balbas at magka-bigote. Pumayat din daw ang aktor.

Malayong-malayo nga raw ang hitsura ni John Lloyd sa dating hitsura nito noon na gwapong-gwapo at malinis. Kaya naman maraming nagsasabing baka hindi na masyadong conscious si John Loyd sa kanyang hitsura.

Kaya naman wala halos nakakilala at idinaan-daan lang ng mga taong naroroon sa museum. Kung hindi pa nga ito nakilala ng isang fan at nagpa-litrato hindi magiging aware ang ibang taong na naroon ang aktor. 

Sana nga raw ay ahitin na ni John Loyd ang bigote at balbas at magpataba ng kaunti  para bumalik ang dating kaguwapuhan nito.