HATAW! D'yaryo ng Bayan hatawtabloid.com
Nadakip ang isang lalaki na mula sa Bicol sa isinagawang buybust operation ng mga awtoridad sa bayan ng Norzagaray, lalalwigan ng Bulacan, nitong Martes, 14 Hunyo.
Sa ulat mula kay P/Lt. Col. Cresenciano Cordero, Jr., acting chief of police ng Norzagaray MPS, naglatag ang mga intel operatives ng nasabing police station ng drug buybust operation na nagresulta sa pagkaaresto ni ng suspek na kinilalang si William Gueriña, 33 anyos, tubong Bicol, at kasalukuyang naninirahan sa Brgy. FVR, sa nabanggit na bayan.
Nabatid na nakatala ang suspek sa drug watchlisted ng Norzagaray at narekober mula sa kanya ang buybust money at dalawang paketeng plastic na naglalaman ng hinihinalang shabu na may timbang na 2.58 gramo at tinatayang nagkakahalaga ng P17,544.
Kilala ang suspek sa bansag na Bikolanong Tulak na kaslaukuyan nang nakakulong sa Norzagaray MPS Jail at nahaharap sa kasong paglabag sa RA 9165 o Comprehensive Dangerous Act of 2002. (MICKA BAUTISTA)
