Top 5 most wanted laglag sa Makati cops

BUMAGSAK sa kamay ng mga operatiba ng Makati City Police Station ang tinaguriang top 5 most wanted person, may kasong murder sa Brgy. Rizal, Makati City.

Kinilala ang akusado na si Jonathan Millet, 40, naninirahan sa Makati City.

Sa imbestigasyon ng Makati Police, ang mga operatiba ng Warrant Section Unit at mga  elemento ng  Taguig City Police ay nagsilbi ng  Warrant of Arrest kay  Millet sa  Adela St., Brgy. Rizal, Makati City.

Inisyu ni Judge Leticia Morales, RTC Branch. 140, Makati City, at walang piyansang inirekomenda ang Korte.

Pinapurihan ni SPD District Director P/BGen. Jimili Macaraeg ang mga operatiba ng Makati at Taguig City Police Station sa kanilang joint effort upang matagumpay na maaresto ang tinaguriang top 5 most wanted persons.

Tinitiyak ni Macaraeg sa publiko na gagawin nila ang lahat ng paraan para maaresto ang lahat ng mga akusado sa kanilang wanted list upang maibalik sa Korte at sagutin ang mga alegasyon laban sa kanila. (GINA GARCIA)