Nadine nag-feeding program sa Siargao

MATABIL
ni John Fontanilla

MARAMI ang napabilib na netizens ni Nadine Lustre nang magsagawa ito ng feeding program, ang Libreng Tanghalian para sa mga residente ng Barangay Bagakay sa Siargao.

Bahagi ito ng proyektong itinatag ni Nadine at ng kanyang malalapit na kaibigan, ang Siargao Community Kitchen para tulungan ang mga naging biktima ng bagyong Odette.

Nililibot ng grupo ni Nadine ang iba’t ibang lugar sa Siargao na tinamaan ng bagyo para magbigay ng tulong.

Marami ngang netizens ang natuwa nang kumalat sa social media ang larawan ni Nadine kasama ang kanyang mga kaibigan na nagsasagaw ng feeding program sa mga tinamaan ng bagyo sa Siargao.