HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
GRATEFUL si Ayanna Misola sa Viva dahil pagkatapos siyang ipakilala sa mga pelikulang Pornstar2 Pangalawang Putok at Siklo na napapanood sa Vivamax, kaagad siyang binigyang pagkakataon para makapagbida at maipakita ang tapang hindi lamang sa pagpapa-sexy kundi ang husay sa pag-arte. Ito ay sa pamamagitan ng Kinsenas, Katapusan na pinamahalaan ni direk GB Sampedro.
Nagpapasalamat din si Ayanna dahil inalalayan siya nina Joko Diaz at Kier Legaspi lalo na sa mga maseselang tagpo.
“I feel so blessed dahil baguhan lang ako tapos may launching film na agad. Aware naman ako na hindi lahat ay nabibigyan ng ganoong opportunity kaya very grateful
ako sa tiwala na ibinibigay sa akin ng Viva,” sambit ni Ayanna na ang tema ng Kinsenas, Katapusan ay isang sexy-psycho-thriller na mapapanood na sa February 4 sa Vivamax.
Inamin ni Ayanna na hindi pa niya naiisip na isa na talaga siyang artista. “Medyo nabibigla ako dahil hindi pa nagsi-sink in sa akin na artista na talaga ako. Marami akong mga upcoming project this year sa Vivamax na malayo talaga sa character ko in real life, pero game lang,” masayang paglalahad ng baguhang aktres.
Hindi naman nag-aalala si Ayanna na hindi katanggap-tanggap sa kanyang pamilya ag kanyang pagpapa-sexy. Aniya, “Tanggap ng family ko kung ano ‘yung pinasok ko. Naniniwala naman sila na stepping stone ko lang ‘yung mga ginagawa ko ngayon at darating ang araw na hindi ko na kailangang maghubad sa pelikula,” paliwanag nito.
Bukod kina Joko, Kier, at Ayanna, kasama rin sa pelikula sina Janelle Tee, Angela Morena, at Jamilla Obispo.
