Albie milyon ang nawala dahil kay Andi

MA at PA
ni Rommel Placente

NAIINTINDIHAN na namin kung bakit hanggang ngayon ay galit at hindi pa rin napapatawad ni Albie Casino ang ex-girlfriend na si Andi Eigenmann.

Ayon kasi sa binata, noong pumutok ang isyu na nabuntis niya si Andi at hindi niya ito pinanagutan, maraming projects including product endorsements ang nawala sa kanya. At ito ay worth millions of pesos.

Nasira umano kasi ang image o pangalan niya sa paratang ng na nabuntis niya si Andi na hindi naman siya ang nakabuntis kundi si Jake Ejercito. Ito ang ama ng ipinagbubuntis noon ni Andi na si Eli.

Sa pagkakatanda namin, sinabihan noon ni Albie si Andi na huwag sa kanya ipaako ang pagbubuntis, na hindi naman ginawa ng anak ni Jaclyn Jose.

Lumabas lang ang katotohanan at napatunayan ni Albie na hindi nga siya ang tatay ni Eli nang magpa-DNA test siya at si Jake.

At lumabas nga sa resulta na si Jake ang tunay na ama ni Eli.

Kawawang Albie, lumipad ang milyon sa kanya, na ayon pa sa kanya ay malaking tulong sana para mabago ang buhay ng pamilya nila.