HATAW! D'yaryo ng Bayan hatawtabloid.com
FACT SHEET
ni Reggee Bonoan
KAILANGAN sigurong pagsabihan o pangaralan ang dalagitang aktres na ito dahil hindi nito napipigilang topakin sa shooting ng teleseryeng ginagawa niya.
Matagal na naming alam na may ganitong ugali ang dalagitang aktres na ito dahil mismong mga close naming taga-production ang nagkukuwento at higit sa lahat ay personal na rin naming nakita na may pagka-maldita at inarte ito, pero inintindi namin dahil at that time ay may pinagdadaanan siya.
Ilang taon na ang nakalipas at stable na siya sa kanyang career at sa katunayan ay nakaipon na siya para sa pamilya niya pero parang lumala yata ang ugali.
“Kapag tatawagin mo na sa set, ang tagal mong maghihintay tapos wala sa mood. Iniintindi na lang siya kasi hindi naman lahat ng araw ay maganda ang gising mo, pero laging ganoon.
“Mga senior stars ang nag-a-adjust sa kanya? Hello, may napatunayan na ba siya? Sinuwerte siya na napabilang siya sa magagandang projects na ang nagdadala ay mga senior star na sinusuportahan siya. Eh, kung mag-isa lang naman siya, waley.
“Pansin mo, minsan sabaw kausap ulit-ulit tapos feeling ang galing-galing. ‘Yung ibang ka-edaran niya sa cast, hindi na lang siya pinapansin. Pero ang production staff, iritable to the max,” kuwento ng premyadong aktor na nakasama ng dalagitang aktres sa serye na natatawa sa antics nito.
Sa isang umpukan kasi ng mga magagaling na aktor at aktres ay nagkabiruan kung sino-sino sa set ang naaliw silang pagmasdan kapag takes na at kung sino ang may mga attitude at sabay gagayahin nila ang acting at salita.
