Tuesday , March 19 2024
Blind Item, Man Woman Fighting

Aktor at aktres panay ang dyombagan

FACT SHEET
ni Reggee Bonoan

AWAY-BATI ang drama ng magkarelasyon na ito at matindi silang mag-away dahil may halong pisikalan base sa kuwento ng aming source sa kapareho nilang unit owner sa isang condominium building na madadaanan papuntang South.

Tsika ng aming source simula noong tumira siya sa building na roon din nakatira ang magkarelasyon ay hindi nabubuo ang isang buong linggo na walang maririnig na sigawan, murahan, at hagisan ng mga gamit.

“Ilang beses nang pinupuntahan ng building administrator pero hindi pa rin tumigil, sa kapal ng log book, ‘yung ¼ na mga pahina ay reklamo ng mga unit owner dahil sobrang naabala,” kuwento ng isa sa mga nakatira rin sa nasabing building.

Dagdag pa, ”parang wala silang mga trabaho, hindi sila umaalis ng unit nila.”

Hindi naman din kasi mainstream actress si babae kaya bilang lang sa daliri ang project niya at si lalaki naman ay wala rin kaming alam na trabaho dahil ang tsika, umaasa umano ito sa allowance na bigay ng magulang dahil may kaya sila.

Hmm, baka kaya ito ang dahilan kaya nagkakainitan ang magkarelasyon dahil wala silang gaanong ginagawa at lagi pa silang nagkikita sa apat na sulok ng unit nila, eh, nakaka-praning nga naman din kasi hindi sila busy.

At dahil kilala naman din ang magkarelasyon ay naamoy nina Maritess at Mosang ang bawat kilos nila at ang update sa amin ay hindi na nila pina-follow ang isa’t isa sa kanilang social media accounts.

Big deal talaga kapag artista ang may in-unfollow lalo na kung karelasyon o matalik na kaibigan.

Hindi ba puwedeng namali ng pindot lang kaya na-unfollow? O sadyang yamot sila sa isa’t isa kaya in-unfollow.

Sa kasalukuyan, si aktres ay may ginagawang serye ngayon at nasa lock in taping, samantalang si lalaki ay bisi-bisihan sa kawo-work out at pagpapaganda ng katawan.

Well, hanggang un-follow lang sana ang mangyari sa magka-relasyon at hindi mauwi sa hiwalayan dahil nakahihinayang sila.

About Reggee Bonoan

Check Also

Marc Logan TV5

Marc Logan pumirma sa TV5, mapapanood na sa Top 5 Mga Kwentong Marc Logan

KASAMA na ang kilalang broadcaster na si Marc Logan sa hanay ng mga talento ng TV5 matapos pumirma ng …

Repakol Siakol

REPAKOL patuloy na lumalaban para maibalik pangalang SIAKOL 

ni Allan Sancon HINDI kaila sa atin ang success at failure ng mga ilang music …

Marianne Beatriz Bermundo Khristine Kate Almendras Ornopia

Young beauty queens Marianne at Khristine gustong sundan yapak ni Kathryn 

ni ALLAN SANCON  KASABAY ng paglulunsad ng 3rd edition ng Aspire Magazine na ginanap sa Robinson’s Novaliches …

Pia Wurtzbach Khristine Kate Almendras Ornopia

Pia Wurtzbach idolo ni Miss Universe SuperGrand Prix 2023 Khristine Ornopia

MATABILni John Fontanilla MAGANDA, matangkad, at napakahusay sumagot sa mga katanungan ang 12 year old …

Teejay Marquez

Teejay Marquez dream house ipinagagawa na  

MATABILni John Fontanilla SINISIMULAN nang gawin ang dream house ni Teejay Marquez sa Quezon City. Kuwento nito …