Athena tumatatak ang mga linyang binibitawan sa bagong serye

Rated R
ni Rommel Gonzales

“YOU cheated on Kuya! And then you were shot with a man that you were screwing.”

‘Yan ang mga binitawang salita ni Grace na buong husay na ginagampanan ng GMA Artist Center talent na si Athena Madrid sa seryeng To Have And To Hold.

Tumatak sa puso at isipan ng mga manonood ng GMA Telebabad ang eksenang ito lalo’t ipinaalala ni Grace sa kanyang sister-in-law na isa siyang certified cheater.

Sa isang panayam sa kanya, nagkuwento ito kung paano siya naghanda sa scene na ito ng kanyang primetime series.

Aniya, “Of course, workshop and siyempre nanghingi rin ako ng advice sa mga co-star, kay Ate Max [Collins], Kuya Rocco [Nacino], Ate Carla [Abellana], sa mga iba pang cast na kasama ko and of course kay Direk [Don Michael Perez].”

Isinalarawan din ng StarStruck alumna na “surprising” each night ang napapanood niya sa To Have And To Hold at mas lalong kapana-panabik kompara noong binabasa lamang niya ang kuwento sa script.

Paliwanag ni Athena, “Sobrang layo and sobrang unexpected, kasi ‘di ba ‘pag sinu-shoot mo kasi ‘yung sequences. Hindi mo malalaman or hindi mo masyado maiintindihan ‘yung story, kasi iba-iba siya, eh.

“Like, iba-iba ‘yung pagkakasunod-sunod ng sequences, so ‘pag ako pinanonood ko, nasu-surprise ako. Sobrang ang gagaling, kung paano siya pagsunod-sunurin ng director. Doon pa lang ma-apply mo na agad kung ano ‘yung story na gusto ipakita ng ‘To Have And To Hold.’

“So, sobrang nasu-surprise ako sa bawat eksena talaga,” sinabi pa ni Athena.