Keagan De Jesus ‘di pinababayaan ang studies

MATABIL
ni John Fontanilla

BINATANG-BINATA na at mas lalong gumwapo ang dating child star, Viva artist, at commercial model na si Keagan De Jesus.

Ani Keagan, isa siya sa mga artistang sobrang naapektuhan ng pandemya dahil tumumal ang dating ng proyekto. ‘Di tulad dati na halos wala na siyang pahinga sa kaliwa’t kanang trabaho.

Kaya naman thankful siya sa Star Cinema dahil isinama siya sa pelikulang Love at the First Stream.
 
“Gusto ko pong makatrabaho sina Kuya  Kelvin Miranda at Enrique Gil. Nakasama ko na po kasi si Kuya Kelvin sa isang photoshoot ad and mabait po siya and very humble, at magaling po talaga s’ya sa acting.

“Si Enrique naman napapanood ko lang. He can act very well din and I think marami akong matututunan sa kanya.”

At habang sem-break, ang online games at skate boarding ang pinagkakaabalahan niya.
 

At kahit nag-aartista si Keagan, hindi niya pinababayaan ang pag-aaral na kanyang first priority.