HATAW! D'yaryo ng Bayan hatawtabloid.com
NASAKOTE ng mga awrtoridad sa inilatag na manhunt operation ang isang pinaniniwalaang miyembro ng notoryus na drug group sa bayan ng Castillejos, lalawigan ng Zambales, nitong Martes, 21 Setyembre.
Sa ulat mula kay P/Col. Romano Cardiño, acting provincial director ng Zambales PPO, kinilala ang naarestong akusadong si Jimmy Aglibot, alyas Jim, 55 anyos at residente sa Purok 4, Brgy. San Pablo, sa nabanggit na bayan.
Nadakip ang suspek na nakatala bilang most wanted person ng Zambales sa pinagsanib na puwersa ng mga elemento ng Castillejos Municipal Police Station (MPS), PDEU Zambales, PIU Zambales at 2nd PMFC, sa bisa ng warrant of arrest para sa kasong paglabag sa RA 9165 o Comprehensive Dangerous Drug Act of 2002 na walang itinakdang piyansa. (MICKA BAUTISTA)
