Pag-iibigan nina Richard at Melody Yap tampok sa Magpakailanman

Rated R
ni Rommel Gonzales

ISANG kuwento ng pag-iibigan ng magkaibang lahi at paniniwala ang tatalakayin sa Sabado sa Magpakailanman.

Tunghayan ang masalimuot na pagmamahalan nina Richard at Melody na pinamagatang Gua Ai Di/ I love you: The Richard and Melody Yap Love story. Pagbibidahan ito nina David Licauco at Shaira Diaz.

Pagpili sa pamilya at minamahal, ito ang istorya nina Richard at Melody. Ipinagbabawal kasi sa tradisyon ng mga Chinese ang mag-asawa ng hindi nila kalahi lalo na sa anak na lalaki.  Alamin ang mga pinagdaanang hirap masunod lamang ang puso.     

Ito ay idinirehe ni Don Michael Perez, panulat ni Tina Samson-Velasco, at matinding pananaliksik ni Angel Launo.