Bilog at Bunak muling mapapanood sa MPK

Rated R
ni Rommel Gonzales

MULING balikan ang nakai-inspire na kuwento ng magkapatid na sina Bilog at Bunak sa Magpakailanman sa Sabado, September 4.

Tampok dito sina Leanne Bautista bilang Bilog at Kenken Nuyad bilang Bunak. Kasama rin dito sina Lotlot de Leon bilang Anna, ang ina ng magkapatid at Gardo Versoza bilang Dan, ang kanilang ama na pinag-alayan nila ng kanta sa viral video.

Sa likod ng kanilang nakatatawang viral video na pumatok sa netizens ay ang malungkot na kuwento ng buhay nina Bilog at Bunak. Ano nga ba ang istorya kung bakit gumawa ng musical cover sina Bilog at Bunak para sa kanilang ama?

Muling saksihan ang kuwento ng away-bati na magkapatid sa episode ng Magpakailanman na pinamagatang Viral Siblings: The Bilog and Bunak Tiongson Story sa Sabado, 7:15 p.m., sa GMA-7.