Alice sa LW — mas kapana-panabik ang mga eksenang dapat abangan

COOL JOE!
ni Joe Barrameda

MASAYA si Alice Dixson sa mas pinaagang timeslot ng hit family drama series na Legal Wives. Marami ang natuwa na napapanood na ang ito pagkatapos ng 24 Oras simula nitong Lunes, August 30. 

Ani Alice, “Natutuwa kaming lahat because an earlier timeslot also means more viewership. Nagpapasalamat kami sa mga nanonood ngayon at sa mga sumusubaybay. Napakaganda ng reactions and comments.

Pahayag pa ng aktres, mas kapana-panabik ang mga eksenang dapat abangan sa serye kaya’t dapat na tumutok ang mga manonood.

“Ismael is now trying to balance. Nagbabalanse siya kung paano makisama sa dalawang asawa, paano mamuhay nang tahimik or at this point, hindi matahimik with two wives,” paliwanag ni Alice.