Pagho-host ni Tetay tuloy-tuloy na

I-FLEX
ni Jun Nardo

KUMAWALA pa rin ang hindi scripted na spiels ni Kris Aquino nang muli siyang sumalang sa TV para maging co-host ni Willie Revillame sa TV special ng shopping app kahapon na napanood sa GMA 7.

Lumabas sa spiels niya na na-late siya sa show na live sa Clark City Airport sa Angeles City, Pampanga.

Naisingit din niya ang tanong kay Willie na, ”May girlfriend ka na ba? Ayoko sa iba. Ikaw kasi ang gusto ng mga anak ko! Ha! Ha! Ha!”

In fairness, malinaw at malakas pa rin ang boses ni Kris as host lalo na nang natoka sa kanya ang mahabang paliwanag para sa mga detalye sa pakulo ng shopping app!

Teka, parang may pahiwatig si Willie na kay Kris na niya itotoka ang segment quiz ng shopping app, huh! Tuloy-tuloy na kaya si Kris sa hosting sa TV?