HATAW! D'yaryo ng Bayan hatawtabloid.com
HARD TALK!
ni Pilar Mateo
PINAPANOOD ko ang trailer ng TAYA ng Viva Films. May magandang papel kasi rito ang inilunsad na artista ng Godfather Films na si Sean de Guzman sa isa na namang seksing tema ng pelikula.
Sa Macho Dancer marami na ang nagsabi sa malaking pagkakahawig ni Sean sa aktor na nakasama niya sa nasabing pelikula na si Allan Paule.
Rito sa TAYA habang gumigiling ang kamera sa sari-saring anggulo ng baguhan, mukhang siya na nga ang nagmana sa tatahaking landas sa dinaanan nyang beterano at batikang aktor.
Parte si Sean ng grupo ng Clique V ng 3:16 Media Network Talent Management.
Pero, hindi naman nito kakalimutan ang pagsasayaw pati ang pagkanta kasama ang grupo.
Masaya si Sean dahil lahat silang mga talent ng 3:16 Media Network ay kanya-kanya rin ang galaw sa sinimulan ng mga karir sa pag-arte.
Marami siyang gustong patunayan. ‘Yun ang alam ni Sean sa kanyang sarili na nagtutulak sa kanya to do what it takes para mas gumaling pa at may maipagmalaki sa pinasok niyang mundo.
Nakita na sa Macho Dancer ang pagiging palaban ni Sean.
Lalaki ang ka-eksena niya roon sa love scenes.
This time sa mga bagong tinatayaan ng Viva na sa sexy nymphets naman sasalang sa mas maiinit na eksena si Sean with his leading lady AJ Raval, kasama ang mga ipinakikilalang sina Jela Cuenca at Angeli Khang.
Taya lang ng taya sa mga hamon ng pagiging artista si Sean. At alam niyang tama ang direksiyong tinahak niya.
