HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
NAGBABALIK si Angeli Khang sa itinuturing niyang pinaka-challenging na pelikulang nagawa niya sa Viva Films, ang Silip Sa Apoy na idinirehe nj Mac Alejandre at tinatampukan din nina Jela Cuenca, Paolo Gumabao, Sid Lucero na napapanood na sa Vivamax.
“Ito na po yata ang pinaka-challenging role ko,” pag-amin ni Angeli sa virtual media conference. “Grabe ito. Nagkapasa-pasa ako!”
Ginagampanan ni Angeli ang asawa ni Sid na isang lasenggero. Siya si Emma na pagod ng pakisamahan si Ben (Sid), dahil nagiging baloyente ito tuwing makakainom. Si Alfred si Paolo na magiging malapit kay Emma na magkakaroon ng sikretong relasyon.
Sinabi ni Angeli na masuwerte siya at masaya na nakatrabaho sina Sid at Paolo.
“Sobrang inalalayan po nila ako. Hindi sila nag-advantage sa akin sa mga grabeng love scenes namin?” sambit ni Angeli.
“Maingat po sila and pinoprotektahan nila ako and I really appreciate that,” giit pa nito.
Sumilip at maakit sa mapusok at kapana-panabik na kuwento ng Silip sa Apoy.
