Pre-nup nina Kris at Perry nabulilyaso

I-FLEX
ni Jun Nardo

NABULILYASO ang plano nina Kris Bernal at fiancé niyang si Perry Choi na gawin ang pre-nup shoot nila sa South Africa. Eh hindi natuloy-tuloy ‘yon dahil sa COVID-19 na nadagdagan pa ng Delta variant.

Ka­ya binago nina Kris at Perry ang orihinal na plano kaya nauwi ang pre-nup shoot nila sa isang resort sa Batangas.

Ipinasilip ni Kris sa kanyang  Instagram ang shoot nila na nakasuot siya ng two-piece bikini habang naka-shirt at short si Perry at kapwa sila nakalublob sa tubig.

“Wherever we do our prenup shoot is fine with me as long as we are together and happily enjoying it,” caption ni Kris sa pictures ng pre-nup shoot nila ni Perry.