Wize Estabillo makakalaban ang mga co-Bidaman

MATABIL
ni John Fontanilla

THANKFUL si Wize Estabillo sa nominasyong nakuha sa 34th PMPC Star Awards for Television para sa kategoryang Best New Male TV Personality.

Tsika ni Wize, “Sobrang nagpapasalamat po ako sa PMPC dahil isa ako sa napili nilang nominado sa Best New Male TV Personality kasama ‘yung mga co-Bidaman ko na sina Jin, Dan, at Ron.

“Iba pala ang pakiramdam kapag nominado ka. Kaya naman win or loose masaya na ako kasi na-nominate ako. Malaking achievement na ‘yun sa akin and gagawin ko ‘yung inspirasyon para mas galingan ko pa ang mga trabahong ibibigay sa akin ng ABS-CBN.”

Bukod kina Bidaman Jin, Ron Macapagal, at Dan Delgado, makakalaban rin ni Wize sa Best New Male TV Personality sina Abdul Raman (All-Out Sundays/GMA 7), Allen Ansay (Buhay Kapalit ng Alak –Magpakailanman/ GMA 7), Jerick Dolormente (All-Out Sundays/GMA 7), Jin Macapagal (It’s Showtime/ABS-CBN 2), Joaquin Domagoso (All-Out Sundays/GMA 7), Kim de Leon (All-Out Sundays/GMA 7), Radson Flores (All-Out Sundays/GMA 7).

Regular na napapanood si Wize sa It’s Showtime Online at sa segment na Ms Q & A at katatapos lang i-shoot ang Greenwich Commercial.