Pokwang arangkada na sa Kapuso

I-FLEX
ni Jun Nardo

UMARANGKADA ng trabaho si Pokwang bilang certified Kapuso artist.

Matapos gawin ang isa sa anniversary episodes ng Wish Ko Lang ng GMA, nakatakdang lumabas ni Pokie sa drama anthology na Magpakailanman.

First time niyang lalabas sa weekly drama sa episode na Nanay Kontesera kaya fresh ep ito.

“Talagang bet na bet ko po ‘yung role ko. I’m sure matatawa at maiiyak kayo,” saad ni Pokwang.

Kasama ng komedyana sa episode sina Boom Labrusca, Tart Carlos, Aya Mariano, at Gold Aceron. Mapapanood ang episode niya sa July 10.