Tom kontra kina Alden at Jasmine

I-FLEX
ni Jun Nardo

MAS pinili ni Tom Rodriguez na gawin ang GMA Kapuso series na The World Between Us kaysa ibang shows na inihain sa kanya.

Hindi pinalampas ni Tom na mapasakanya ang role lalo na’t bigatin din ang cast na makakasama niya.

Nakatatandang kapatid ng lead actress na si Jasmine Curtis-Smith ang role ni Tom na pumipigil sa pag-ibig nito sa lead actor na si Alden Richards.

“It’s such a different character na sobra akong nagkaroon ng interes. Hindi siya ‘yung typical na kontrabida,” rason ni Tom sa virtual medicon ng series.

Bukod kina Alden at Jasmine, kabilang din sa cast sina Dina Bonnevie, Jaclyn Jose at marami pang iba.