HATAW! D'yaryo ng Bayan hatawtabloid.com
FACT SHEET
ni Reggee Bonoan
INAABANGAN talaga ng kabataan ang kuwento nina Deib (Donny Pangilinan) at Maxpein (Belle Mariano) ng Wattpad series na He’s Into Her handog ng ABS-CBN Entertainment, Star Cinema, at iWantTFC na napapanood sa Kapamilya Channel at A2Z, 7:45 P.M. tuwing Linggo.
Base sa tumatakbong kuwento ng dalawang bida, tutol sila sa desisyon ng principal nila sa school na suspension ang haharapin kapag hindi nila sinunod ito kaya kailangan nilang mag-isip at gumawa ng isang anti-bullying campaign.
Bago ito nangyari, magkakaayos na sana ang dalawa dahil nakonsiyensya si Deib sa prank ng mga kaibigan kay Maxpein at handa na nitong bayaran ang P10,000 na kinaltas sa sahod ng pinapasukang restaurant sa dalaga. Pero nainsulto si Deib sa mga binitawang salita ni Maxpein na kahit kamo ina nito ay hindi siya mamahalin sa sama ng kanyang ugali.
Panoorin ang susunod na episode ng He’s Into Her sa iWantTFC sa Biyernes, at sa Kapamilya Channel, A2Z, TFC, at sa Kapamilya Online Live sa YouTube channel at Facebook page ng ABS-CBN Entertainment sa Linggo.
