HATAW! D'yaryo ng Bayan hatawtabloid.com
DAPAT managot ang (mga) may kagagawan o nasa likod, ayon kay Probinsyano Ako Rep. Jose Singson, Jr., chairman ng House committee on public accounts, ng mga module na naglalaman ng salitang bulgar at mali ang depinisyon sa pagkakasulat na ipinamigay sa Mabacalat, Pampanga.
“The Mabalacat learning module that contained vulgarity is very alarming. While DepEd officials boasted that they corrected the error, it pains us to learn that the culprit has not been punished,” ani Singson.
Pinuntirya ni Singson sa naturang module ang kahulugan ng Aswang ay “siya rin ay isang diyos pero pinaniniwalaang ito’y tao na kumakain ng kapwa tao, kung minsan ang mga ito ay pinaniniwalaang may mga pakpak at sila raw ay gising kung gabi para maghanap ng maka___tot or maaaswang.”
Ayon kay Education Undersecretary Tonisito Umali naaksiyonan na ang problema noon pang Pebrero 2021 pero hindi pa nahahanap at napaparusahan ang gumawa nito.
Naniniwala si Singson, “intentional, glaringly malicious and utterly despicable” ang nasbaing pagkakamali.
“Like the numerous errors found by COA in DepEd learning materials, it will be difficult for our students to unlearn what their teachers asked them to digest,” dagdag ni Singson.
“Unlike our students who are minors and are gullible to assimilate what is taught them in school, I believe it is now time to teach those who committed mistakes, whether intentional or not, a lesson,” paliwanag ni Singson.
Matapos ang pagdinig, pinag-aaralan ng komite ang pagpapataw ng parusa sa mga nasa likod ng malalaking pagkakamali sa mga module.
Bukod sa nagsulat, isasama umano sa parurusahan ang mga opisyal at empleyado ng gobyerno na siyang naatasan magbantay sa pag-iimprenta ng mga module bago ito ipamigay sa mga estudyante. (GERRY BALDO)
