HATAW! D'yaryo ng Bayan hatawtabloid.com
Rated R
ni Rommel Gonzales
INIHAYAG ni Miss Universe 2015 Pia Wurtzbach na handa siyang turuan si Sanya “Yaya Melody” Lopez sakaling magdesisyon ang Kapuso star na sumali sa isang pageant.
Sa Chika Minute report ni Lhar Santiago sa GMA News 24 Oras nitong Martes, sinabing marami ang humihikayat kay Sanya na sumali rin sa beauty pageant at isa na rito si Pia.
Dati nang nagprisenta ang beauty queen na ite-train niya si Sanya kung magdesisyon itong sumali sa national pageant.
“Actually gusto ko rin naman i-explore ‘yung part na ‘yon, ‘yung pagiging beauty queen. Kaya lang talaga, sabi ko sa ngayon, maganda ‘yung ibinibigay sa akin ng GMA Network,” ani Sanya.
“Marami akong projects na ginagawa sa ngayon dahil sa GMA, eh talagang ang hirap iwanan. So sabi ko naman, kapag pinalad tayo of course at kung doon talaga tayo papunta, tingnan natin, ‘di ba?” dagdag pa ng dalaga.
Sa First Yaya, tila beauty pageant na ang nangyayaring patalbugan nina Yaya Melody at Lorraine (Maxine Medina), nang magtagisan naman sila ng kani-kanilang evening gown.
Napansin din ng netizens ang pagkakahawig ni Sanya kay Miss Universe Philippines Rabiya Mateo.
Ayon sa Kapuso actress, flattered naman siya sa pagkompara sa kanya sa beauty queen.
Dati na rin silang nagkita ni Rabiya.
“Nagkita kami noon eh kaya kami nagkagulatan, parang ‘Uy!’ Iisa ang reaksiyon namin noon, (nagkagulatan) kami talaga. As in pareho kaming nakatitig lang sa isa’t isa tapos doon pa lang kami nag-’Hi, Hello,’” kuwento ni Sanya.
Ikinatuwa rin ni Sanya ang kabaitang ipinakita sa kanya ni Rabiya.
“‘Hi! Ikaw si Rabiya ‘di ba?’ Sabi niya ‘Yes po Ms. Sanya Lopez,’ gumanoon siya. Sabi ko ‘Hi and congratulations.’ Ang dami ngang nagsasabi sa amin na magkamukha kami kaya parang siya nagulat din noong nagkita kami,” sabi ni Sanya.
