HATAW! D'yaryo ng Bayan hatawtabloid.com
ARESTADO ang limang suspek na kabilang sa listahan ng Isumbong Mo Kay Wilkins (IMKW), programa ng PDEA, na pinaniniwalaang sangkot sa pagbebenta ng ilegal na droga, sa anti-narcotics operations na ikinasa ng PDEA Bataan, kaantabay ang PPDEU-PIU Bataan at Abucay MPS nitong Sabado, 4 Hunyo, sa Brgy. Wawa, sa bayan Abucay, lalawigan ng Bataan.
Kinilala ni PDEA3 Director Christian Frivaldo ang mga suspek na sina Jomar Tiongson, alyas Tata Oms, 28 anyos; Eduardo Dela Cruz, alyas Junior, 26 anyos; Mark Junnel Tiongson, alyas Mark, 28 anyos, tricycle driver; at Roxanne Yuzon, 36 anyos, pawang mga residente ng nasabing barangay.
Nakompiska sa mga suspek ang walong pakete na naglalaman ng hinihinalang shabu na umabot sa 15 gramo at nagkakahalaga ng P129,000, at marked money na ginamit sa operasyon.
Nahaharap sa kasong paglabag sa RA 9165 o Comprehensive Dangerous Drugs Act of 2002 ang mga nakakulong na suspek. (RAUL SUSCANO)
