HATAW! D'yaryo ng Bayan hatawtabloid.com
MALAKING epekto kina Jobert Sucaldito at Philip ‘Dada’ Rojas ang COVID-19 pandemic dahil nawalan sila ng regular na trabaho.
Pero hindi naging hadlang ito dahil gumawa sila ng online showbiz show na patok na patok ngayon ang The Bash With Jobert Sucaldito na nagsimula noong September 30, 2020.
Mula sa pamagat mismo ng palabas, ang host nito ay si Jobert Sucaldito na isang showbiz news anchor at columnist kasama ang vlogger, social media influencer at Kumu Artist na si Maine Nadaya. Ang dating staff ni Kuya Boy Abunda naman na si Dada ang production manager ng The Bash.
Ang The Bash with Jobert Sucaldito ay isang oras na online showbiz magazine talkshow at ipinalalabas ng live sa Facebook at YouTube tuwing Lunes, Miyerkoles, at Biyernes simula 4:00 p.m.
May sariling studio ang The Bash na maganda at malaki at ito’y matatagpuan sa Kamias, Quezon City.
Kaya, para mauna sa pinakabagong chikaBASH, ugaliing panoorin ang The BASH at huwag kalimutang i-Like, Follow and Subscribe ang kanilang official Facebook Page, Instagram, at YouTube Channel!
FACT SHEET
ni Reggee Bonoan
