HATAW! D'yaryo ng Bayan hatawtabloid.com
NAGKAROON ng hindi pagkakaunawaan sina actress-YouTuber Donnalyn Bartolome at hunk actor Marco Gumabao kasama rin si Super Tekla.
Sa latest vlog ni Donna na pinamagatang Last to Leave the Pool wins 1 million, nagkaroon ng komprontasyon ang tatlo.
Nag-walkout umano sina Marco at Tekla sa pa-contest ni Donna dahil sa mga idinaragdag nitong rules na hindi malinaw. Habang tumatagal kasi ay may bagong rules at umabot na sa puntong naglagay ng insekto, ahas, at maliit na buwaya.
Bilang pag-iingat ay mayroon namang medic na gagamot sa kanila kung may mangyaring hindi maganda.
Sa kalagitnaan ng laro ay napansin ni Donna na umakyat si Marco sa railing ng pool at wala na ang paa sa tubig kaya sinabing out na ito.
Ipinaglaban ng hunk actor na hindi pa siya out dahil parte pa rin ng pool ang railing.
Ilang beses pinagsabihan ni Donna si Marco ngunit hindi ito naniwala at hindi pa rin umaalis sa pool.
Sa pagtagal ng challenge, naglagay ng marker ang staff na palatandaan kung hanggang saan dapat mamalagi ang kalahok.
Lumagpas si Tekla rito ngunit hindi umano niya naintindihan ang bagong rule na idinagdag kaya nakipagtalo rin. Ngunit nagdesisyon ang dalawa na umalis na lang sa pool.
Napatanong naman si Donna kung prank ba iyon dahil ngayon lang siya nabastos sa isang collab.
Ayon kay Donna, P1-M ang premyo na galing mismo sa kanya kaya hindi talaga madali ang challenge.
Pagtatapos naman nito, sayang ang kanilang friendship.
MA at PA
ni Rommel Placente
