HATAW! D'yaryo ng Bayan hatawtabloid.com
IPINAHAYAG ng singer/songwriter na si Gari Escobar na isa siyang fan at supporter ng OPM o Original Pilipino Music. Ayon sa kanya, si Kuh Ledesma ang isa sa hinahangaan niyang artist mula pa noong hindi pa siya kumakanta professionally.
Lahad ni Gari, “Dapat po, sa ating mga Filipino magsimula ang pagmamahal sa ating kultura, sa ating sining, at sa ating mga awitin. Kaya salamat po sa mga nagmamahal at sumusuporta sa OPM.”
Nakangiting saad niya, “Sobrang fan po ako ng OPM, among those na mga kasama ko sa virtual concert ng PMPC, si Ms. Kuh Ledesma ay sobrang paborito ko po ang song niyang Wakas.
“Actually, may cover po ako niyon, old soul kasi ako kuya Nonie kaya marami akong favorites na favorites din ng Mom ko. Sobrang favorite ng mother ko si Kuh, pati hair niya noon ginaya, hehehe. Siya ang music lover na nakagisnan namin.”
Pahabol pa ni Gari, “Although marami rin akong favorites na foreign artists, the challenge is to help bring OPM to the world. Kaya ang songs ko po na ire-release ay 100 percent OPM.”
Nabanggit pa ni Gari na naaalala niya ang kanyang mother kapag nakikita si Kuh.
“Kaya noong nagsasalita ako sa Aliw Awards, natulala ako for a while nang makita ko sa harap ko si Ms. Kuh, sobrang paborito ko siya. Nagagandahan ako sa kanya. And kaya ko paborito si Kuh, kasi naaalala ko ang mother ko sa kanya.”
Sa ngayon ay may pinaplanong virtual concert si Gari. “Mayroon po kaming pinaplano this June, pinag-iisipan pa lang po ang concept at kung sino ang makakasama ko,” pakli pa niya.
ALAM MO NA!
ni Nonie Nicasio
