Monday , May 12 2025

Sean ratsada sa movie, may sarili pang clothing line

SA panahon ng pandemya, sari-saring klase ng pag-aalala ang dinaranas ng bawat nilalang.

Ang mga nasa entertainment industry nga ang sinasabing mas malupit na tinamaan dahil sa mga trabahong nawala sa kanila.

Pero may mga taong sadyang palaban sa buhay.

Sa itinatag niyang mga grupo na Belladonas at Clique V, masuwerte ang manager ng 3:16 Media Networks sa mga alaga nito.

Ilan ang nagkaroon ng mga proyekto. Nailunsad na. At may mga naghihintay na lang na mahusgahan ng mga manonood.

At ang isa sa mga alaga ng 3:16 na nagbida na sa Anak ng Macho Dancer na si Sean de Guzman ay nakakita pa rin ng pagkakataon para pagyamanin hindi lang ang isip niya kundi ang mga taong pwede pa rin niyang matulungan sa kanyang sininulan.

Isinilang ang Innocencio Apparel. Sa gitna ng mga pagti-Tiktok ng mga kasama sa Clique V gaya ni Marco Gomez at ng Belladonna na si Cloe, umaandar naman pala ang mga plano sa isip nito.

“Actually kinuha ko po ang Innocencio sa kauna-unahan kong pinagbidahang pelikula. Sa ‘Anak ng Macho Dancer,’ pangalan ko po roon ay si Inno.

“At sinasabi po nila, ito rin po ‘yung nakita nila sa akin noong nag-audition ako para sa anak ng macho dancer, ;yung Innocence look. 

“Sabi rin po sa mga Spanish Baby Names, ang meaning ng Innocencio ay: Innocent. Well obviously po sa pangalan pa lang ng clothing line ko nalalaman mo na agad kung ano po ang ibig sabihin nito, but that’s the real story of Innocencio Clothing brand and kung saan ko po ito nakuha.

“Ako lang po rin ang nag-iisip ng mga design and then ipinagagawa ko po sa friend ko ‘yung lay-out pero sa ngayon po wala pa akong official designer.”

Marami pang sari-saring disenyo ang umiikot sa utak ni Sean ngayon.

Lalo pa’t bumubuhos ang biyaya sa kanya, career-wise. Rumatsada na siya sa isa pang Joel Lamangan project, sa Ang Huling Birheng Beki sa Balat ng Lupa.

At nagsimula na rin ang pagpa-plano ng Viva sa kanyang karera bilang aktor. Dahil dalawang matitinding proyekto ang nasa planning stage na.

Sa Nerissa ni Law Fajardo. At sa Taya ni Roman Perez, Jr.

Iingay na namang muli ang pinag-usapan sa Anak ng Macho Dancer na si Inno.

Matatandaan naman siya sa kanyang Innocencio.

Magtataka pa ba?

HARD TALK!
ni Pilar Mateo

About Pilar Mateo

Check Also

Benhur Abalos

Benhur Abalos nagulat pag-endoso ni Vice Ganda; Roselle Monteverde iginiit unahin ang bansa

ni MARICRIS VALDEZ MALAKI ang pasasalamat ni Senatorial candidate Benhur Abalos kay Vice Ganda sa pag-eendoso sa kanya. Sa …

Bam Aquino Dingdong Dantes

Dingdong Dantes: volunteer na ni Bam Aquino mula noong 2013

NAGPAHAYAG si Dingdong Dantes ng buong suporta sa kaibigan na si dating senador at independent senatorial candidate Bam Aquino, …

Ralph dela Paz

Ralph Dela Paz sunod-sunod ang proyekto

MATABILni John Fontanilla SUNOD-SUNOD ang pelikula ni Ralph dela Paz matapos bumida sa advocacy film …

Alden Richards Tom Cruise

Alden Richards sobra ang katuwaan nang makita si Tom Cruise  

MATABILni John Fontanilla KITANG-KITA ang katuwaan kay Alden Richards nang makaharap ng personal ang  Hollywood …

Yul Selvo

VM Yul Servo Nieto patok sa serbisyo at tapat sa tungkulin, tunay na alas ng Maynila!

ALAM MO NA!ni Nonie Nicasio SA GITNA ng ingay ng politika at walang humpay na …

Leave a Reply

Your email address will not be published. Required fields are marked *