Velociraptor nakunan ng video sa Florida

NATATANDAAN n’yo pa ba iyong tatlong velociraptor sa pelikulang Jurrasic World — na ubod nang bilis tumakbo at kumilos at talaga namang nakatatakot kapag sinalakay ka?

Aba’y ito umano ang nakunan ng security camera sa isang tahanan, salaysay ng may-aring si Cristina Ryan ng Florida, USA.

Ayon kay Ryan, hindi sinasadyang makunan ng security camera ang tinukoy niyang isang “baby dinosaur” na tumawid sa kanyang bakuran noong umaga ng nakaraang araw ng Linggo, Abril 18.

At nang ma-post ang nasabing video footage mula sa security camera sa Fox 35 Orlando, sadyang nahati ang social media sa kanilang mga kuru-kuro at opinion ukol sa kung anong uri ng hayop ang nakunan sa bakuran ni Ryna.

“Any animal we can come up with that would be ‘walking’ at 3:40 in the morning wouldn’t walk this way,” kanyang paliwanag sa Fox 35 Orlando.

“Maybe I’ve watched Jurassic Park too many times, but I see a raptor or (some) other small dinosaur,” dagdag niya.

At hindi rin sumang-ayon si Ryan sa mga nagsasabing viewer na isa lamang ibon ang nakita niya sa video footage na sa sobrang bilis ng pagkilos ay hindi niya tunay na makilala kung ano nga iyon.

“Whatever it is appears to have front legs,” aniya.

“I’m sticking with raptor,” kanyang pagpupumilit.

Marami rin nagsasabi na maaari itong isang nakawalang alaga na kabilang sa 15 species ng mga native lizard s a Florida.

“I used to live in Clearwater, Florida and (have) seen some of these lizards running on back legs,” wika ng isa sa mga nagbigay ng kanyang opinyon. “They are big, alert, active lizards (that) are quite common along canal banks in suburban areas.”

“It’s a dog with a jacket on,” sabi naman ng isa pa. “If you pause or slow it down, you can see the leash trailing behind it.”

Pero ang konklusyon ng karamihan ay iisa lang: “Looks like a small gator to me. They can run fast.”

(Kinalap ni TRACY CABRERA)