HATAW! D'yaryo ng Bayan hatawtabloid.com
HINDI lamang low income families sa Maynila ang nakatanggap ng ayuda kundi maging mga tricycle driver.
Sinabi ni Jean Joaquin, assistant head ng Manila Department of Social Welfare, mahigit 10,000 tricycle drivers na naapektohan ng enhanced community quarantine (ECQ) ang makatatanggap ng tig-P4,000.
Galing aniya ang pondo sa P1.523 bilyong ayuda ng national government sa lokal na pamahalaan ng Maynila.
Sinabi ni Angel Llamas, pangulo ng Alvarez-Quericada Tricycle Operators and Drivers Association (Alquitoda), malaking tulong sa kanilang hanay ang ayuda dahil hindi sila makabiyahe o madalang ang pasahero.
Umiral muli ang ECQ sa Metro Manila at apat pang katabing probinsiya mula 29 Marso at napalawig hanggang isang linggo.
