Iyo Canlas bubulaga sa isang children show

KUNG igu-Google mo ang ngalang Iyo Canlas, agad na bubulaga sa pahina nito ang sinapit niyang car accident noong 2016. Na kung titingnan mo ang larawan ng sasakyan niyang pumailalim sa isang 18-wheeler truck, hindi mo aakalain na mabubuhay ang star player at isa sa top athlete ng bansa sa larangan ng Tennis.

Maingay ang pangalan niya sa UAAP(University Athletic Association of the Philippines).

Nakaharap namin sa isang tsikahan si Iyo. Matapos niyang pumirma ng kontrata sa muling nagbabalik sa pagma-manage ng artists na si Shandii Bacolod sa kanyang Team MSB.

Nag-krus ang landas nila sa Zoom. Virtually. Nang may mag-suggest kay Iyo na mag-audition sa production ni Shandii para sa children’s show na The Dada Doos.

Nakita ni Shandii at mga kasama ang husay ni Iyo sa pagkanta na siyang tema ng programa. Bahay Kubo ang ipinaawit sa mga gaganap na bata sa palabas. Pumasok si Iyo sa Top 5.

Binalikan namin ang dinaanang madilim na kabanata sa buhay ni Iyo matapos maaksidente. Brain contusion. Naputol o nahati sa dalawa ang dila. May spinal fracture. Hindi nakasalita. Hindi nakalakad. Lahat ay sinarili lang niya.

Pero may mga siwang ng pag-asang dumarating at dumarating sa palad niya. Scholarship sa Spain. Na naipagpatuloy pa niya ang kanyang Therapy.

Kalaunan, offer na para magtrabaho sa ibang bansa ang dumating sa kanya gayundin ang mga commercial na nagawa naman niya gaya ng Coca-Cola.

“Roon ko na naisip na parang showbiz found me. May background naman ako sa Theater while studying sa Ateneo. Nagkaroon din ako ng chance to have workshops sa ABS-CBN.  Kaya, noong makausap ko na si Shandii  and he came to know kung ano pa ang gusto kong gawin sa buhay ko alam ko na ito na ang gusto ko. And here it is na.

“Noong una, ang hirap kong ikuwento the ordeal I went through. Maski parents ko hindi ako makapag-open up. But now, I just don’t want that incident to define who I am. Dahil alam ko, there’s more to that. And I believe there is beauty in uncertainty. Marami akong questions before. In my mind lang lahat. Nasasagot naman.”

Ano ang kaya niyang gawin at ibigay? Pajay ang BL series ngayon. Daring ang mga eksena.

“Nagka-offer na ako before. Sinabi ko na hindi pa ako ready. Pero in the future, it will all depend pa rin sa kakailanganin kong gawin.  If I want to build a career here, I have to be ready.”

Sa pagbabalik naman ni Kween Shandii sa magma-manage, limang talents muna ang bibigyang-pansin niya. Isa na rito ang foreigner na si Nicolo Fowler o Nico Loco. At may tatlo pang magsa-sign-up sa kanya after the Holy Week!

HARD TALK!
ni Pilar Mateo