HATAW! D'yaryo ng Bayan hatawtabloid.com
MAGAGALING ang karamihan ng mga batang napanood namin sa recital ni Julius Bergado na ginanap sa CityDanse Academy, recently.
Isa sa nakaagaw ng aming pansin ay si Ma. Stephanie Chloe Carreon. Bukod sa cute at magandang bata si Chloe, napabilib niya kami nang nagpakita ng talent sa pag-arte. Para siyang si Angelica Panganiban nang child star pa lamang ang Kapamilya actress.
Gusto raw niyang screen name ay Chloe Carreon, siya ay eight years old at nag-aaral sa Don Mariano Marcos Memorial State University Elementary Laboratory School South La Union Campus (DMMMSU ELS-SLUC).
Ayon kay Chloe, hilig daw niya talaga ang umarte, noon pa. Aniya, “Since four years old pa lang po ako I want to be a celebrity na po. I love to sing na po noon and ‘yung Let It Go po ng Frozen ang first po na song na kinakanta ko po.
“Nag-start po ako maki-join sa pag-model sa school po, First Runner up po ako noon nang nag-Darna costume po ako and lagi na rin po ako nakiki-join sa mga Costume Party Contest po. I’m so lucky po kasi lagi rin po akong nananalo.”
Pang-ilang acting workshop na niya ito? “Pangatlo ko lang po pero rati na rin po ako nag-acting workshop, before kay Direk Julius. Natapos ko po ang Intense Acting Workshop kay Coach Chase Vega po ng CC Entertainment and kinuha po ako sa isang show na ipo-produce po sana niya, pero ‘di po natuloy dahil sa pandemic po,” aniya.
Nag-enjoy ba siya sa acting workshop? ”Yes po, nag-enjoy po ako, natutunan ko po ‘yung pagkakaiba ng mga acting from level 1 up to level 5 po.”
Nabanggit din ni Chloe ang mga favorite stars niya. ”Marami rin po kasi akong favorites, like sina Ate Bianca Umali and Ate Kyline Alcantara po… kasi favorite ko po panoorin noon ‘yung Kambal Karibal. Pati po sina Ate Andrea Brilliantes and Ate Francine Diaz, favorite ko rin po noon ‘yung Kadenang Ginto. Sina Xia Vigor po and Kuya Miguel Tanfelix nakasama ko na po sa Little Ms. Magic 2019 po and sobrang bait po nila. Lahat po silang favorites ko magagaling po.”
Si Chloe ang only child nina Mr. and Mrs. Edmar Culaton Carreon and Jobelle Is-isa Carreon at naniniwala kaming kung mabibigyan ng chance sa mundo ng showbiz ay malayo ang mararating ng batang ito.
ALAM MO NA!
ni Nonie Nicasio
