HATAW! D'yaryo ng Bayan hatawtabloid.com
NAIKUWENTO ni Xian Lim sa ilang miyembro ng media at bloggers na hanggang ngayon ay wala pa ring resulta ang imbestigasyon ng pagnanakaw sa bahay niya.
Noong Enero pa nangyari ang pagnanakaw at hanggang ngayon ay hindi pa rin tukoy kung sino ang mga nanloob.
“Ganoon ‘yung proseso, I guess you just file na ganito ‘yung nangyari, ganoon na lang. Wala, eh. You can’t take it further na parang ano bang next steps, wala na. Parang magpapagod ka ba para hanapin ‘yung mga tao na medyo mahirap na hanapin? So ‘yun. I think it’s a matter of not letting it happen again on my part,” kuwento ng aktor.
Nabanggit na dahil sa mga pa-house tour ng mga artista na napapanood ito ng lahat kaya may idea ang magnanakaw kung paano at saan papasukin ang bahay.
Pero hindi ito tanggap ng aktor, ”Hindi pwedeng mabaling ang kasalanan doon sa victim, eh. ‘Di ba? Ang puno’t dulo niyan is hindi tamang magnakaw. So, I think vloggers are gonna do what vloggers have to do. So, hindi siya mali para sa akin. I don’t think dapat mag-hold back ang isang creative na tao kung gusto nilang ipakita ‘yung bahay nila.”
Samantala, ilang taon ng magkasintahan sina Xian at Kim Chiu pero wala pa silang planong dalhin ito sa next level dahil marami pa silang plano sa buhay lalo na sa career nila kaya natanong kung nandoon pa rin ang kilig na naramdaman ng binata noong bago palang sila.
“Oo naman. Syempre. Lagi ko ngang sinasabi na sa isang relationship, dapat every single day, you work on it. Bawal makapante sa isang relationship,” pahayag ng aktor.
FACT SHEET
ni Reggee Bonoan
