Netizens sabik pa rin kay Coco 

KAHIT gabi-gabing napapanood sa FPJ’s Ang Probinsyano si Coco Martin, gusto pa rin siyang mapanood sa ibang genre tulad nitong rom-com nila ni Angelica Panganiban na Love or Money na mapapanood na sa iWantTFC at KTX.ph.

Umabot na sa limang milyong views ang trailer ng Love or Money sa  Facebook, Twitter, at YouTube sa loob lamang ng tatlong araw habang nabibili na ang ticket nito sa iWantTFC na maaari nang kumuha ng early bird ticket hanggang Marso 11 sa halagang P200 para sa iWantTFC users sa Pilipinas at USD3.99 naman sa ibang bansa. Mapapanood na ito worldwide simula Marso 12. Aliw naman kasi talaga ang trailer ng pelikula nina Coco at Angge.

Marami na ring taga-media at bloggers ang gustong makumusta sina Coco at Angelica kaya inaabangan kung kailan ang zoom mediacon ng dalawa para sa Love or Money movie nila kung paano nila ito natapos dahil inabutan sila ng Covid-19 pandemic noong nakaraang taon.

Anyway, mapapanood na ang Love or Money KTX.ph, iWant TFC, at Sky Cable PPV! Distributed by Cinexpress sa March 12 mula sa direksiyon ni Mae Cruz Alviar handog ng Star Cinema. Kasama sa pelikula sina Gelli de Belen, Ketchub Eusebio, Cai Cortez, at Matet de Leon.

FACT SHEET
ni Reggee Bonoan