HATAW! D'yaryo ng Bayan hatawtabloid.com
NAGULAT kami sa balitang maldita sa set ng TV series ang aktres na nahaharap sa isang kontrobersiya ngayon dahil hindi namin nakilalang ganito ang ugali nito sa ilang beses namin siyang nakakausap sa mga presscon at nakikita sa pareho naming paboritong restaurant na kasama ang kaibigan.
Tatlong beses din namin siyang nakita sa mall pero hindi niya kami nakita at napansin naming mabait siya sa tao, bumabati at nagpapa-picture.
Kaya nang ikuwento ito sa amin ng production staff ng TV series ay hindi kami talaga makapaniwala at binanggit naming mabati siya.
“Sabi nga rin nila mabait siya, eh, baka siguro nairita siya kay (kilalang aktres) kasi uma-attitude sa set. May ikinukuwento na hindi niya type makasama sa project,” sambit ng staff.
Ang kilalang aktres ay alam naming may ugali talaga na noon pa namin alam at ramdam namin ang kaplastikan nito kapag kausap ang entertainment press dahil too good to be true. Maging ang pagiging magiliw din niya sa co-actors niya ay OA sa kabaitan, pero pagtalikod ay kung ano-ano na ang komento.
Anyway, going back sa aktres na sinasabing maldita ay ayaw na raw makatrabaho ng mga staff ng production dahil sa experience nila. Sana hindi totoong nagbago na siya dahil hindi namin siya nakilalang ganoon.
(Reggee Bonoan)
