New Breed of Singers, regular na sa ASAP

PINURI ng kaanak namin sa ibang bansa ang production number ni Moira Dela Torre sa ASAP Natin ‘To nitong Linggo, Enero 24 kasama ang apat na bagong mukha sa showbiz na tinawag na New Breed of Singers na sina Sam Cruz, Anji Salvacion, Diego Gutierrez, at KD Estrada.

Pinanood namin sa YouTube ang prod number ng lima at oo nga magaganda ang mga boses at higit sa lahat parehong maganda sina Sam at Anji at guwapito naman sina Diego at KD.

At dahil maganda ang feedback sa new breed of singers, regular na sila sa ASAP Natin ‘To kaya naman tuwang-tuwa ang mga bagets at siyempre ang bawat supporters nila.

Parang nakikinita na namin na kung sakaling tapos na ang pandemic at puwede na ang live audience at binigyan na ng bagong prangkisa ang ABS-CBN, tiyak na maraming titili kina Sam, KD, Anji, at Diego. Sana maranasan din nila ang mga natikman noong bago pa sina Daniel Padilla, Kathryn Bernardo, Khalil Ramos, at Enrique Gil na talagang sinusundan sa bawat mall shows para sa teleseryeng Princess and I taong 2012-2013.

Going back to Moira, sadyang mapagbigay siya sa mga baguhan dahil sa maganda nilang prod number ay marami ang nakapansin hanggang sa ibang bansa.

FACT SHEET
ni Reggee Bonoan