Janine, mas pinili ang ABS-CBN kaya ‘di na nag-renew sa GMA7

HINDI totoong hindi ini-renew si Janine Gutierrez ng GMA 7 kundi siya mismo ang hindi nag-renew dahil mas gusto na niyang maging freelancer as an artist.

Ito mismo ang tsika sa amin ng taga-GMA 7 na huwag na huwag kong banggitin ang pangalan niya.

“Nalulungkot siyempre ang management kasi nagsabi si Janine na mas gusto niyang maging freelancer, gusto niyang makipag-trabaho sa ibang artists na hindi pa niya nakaka-work, kaya iginalang naman ng management ang decision niya.

“Actually may gagawin siyang TV series for 2021 with Rayver Cruz, ganda sana ‘di ba, eh, wala na siya, so iba na lang makakasama ni Rayver,” pagtatapat ng aming source.

Nanghinayang din kami dahil pagkakataon na rin sanang magkatrabaho ang magkasintahan pero hindi natuloy, baka hindi talaga sila destined na magsama pa.

Nabanggit din sa amin ng taga-Siyete na naging honest sa GMA 7 si Janine na may offer nga ang ABS-CBN sa kanya na gustong-gusto ng aktres kaya siguro napa-oo siya. Ang hindi lang alam kung exclusive ang kontrata ng dalaga sa Kapamilya Network o per project lang.

Hmm, ano kayang masasabi ng boyfriend ni Janine na si Rayver tungkol dito?