HATAW! D'yaryo ng Bayan hatawtabloid.com
INAMIN ng Star Cinema managing direktor na si Ms Olivia Lamasan na hindi natuloy ang dream project nilang reunion movie nina John Lloyd Cruz at Bea Alonzo dahil sa pandemya at pagsasara ng ABS-CBN.
Sa panayam ni MJ Felipe kay Inang (tawag kay Direk Olive), “it was supposed to shot in Florence, Italy. It’s a romance drama. It was to be directed by Cathy Garcia Molina, so reunion movie nila.”
Pero dahil sa pandemya ay nasira ang plano at sinubukan naman daw i-adjust ang pelikula sa Pilipinas pero hindi umabot.
“Nahiya nga kami kuna Lloydie at Bea kasi they waited for a year for this. Sana hindi sila magtampo, but were not losing hope na mag-materialize ang project na ito and were inviting John Lloyd and Bea to be co-creators to get involve sa concept level palang,” pahayag ni direk Olive.
Naging emosyonal din ang ehekutibo dahil nagpahayag ng malasakit ang ilang ABS-CBN talents para tulungan ang kompanya tulad nina Daniel Padilla, Kathryn Bernardo, at Toni Gonzaga-Soriano na tinanggap ang digital show na I Feel You.
“Ito ‘yung mga lumaki sa amin na naiyak ako kasi parang pagbabalik tanaw nila ng utang na loob na out of the blue na sinasabi nila na ‘makatutulong po sa inyo, sa Star Cinema, gagawin po namin, Inang we’re ready.’”
Nabanggit din ni Inang na hindi nila kaya ang talent fee ng KathNiel at ni Toni pero sinagot siya ng, ‘hindi po natin pag-uusapan.’
Anyway, umaasa ang lahat na mawala na ang Covid19 pandemic para masimulan na ang pelikula ng KathNiel at LizQuen.
FACT SHEET
ni Reggee Bonoan
