HATAW! D'yaryo ng Bayan hatawtabloid.com
DOON at Dito ang titulo ng pelikulang ginagawa ngayon nina JC Santos at Janine Gutierrez mula sa TBA Studios.
Base sa mga nakita naming larawan ng dalawa sa social media, bagay sila at ito rin ang sabi sa amin na may chemistry sila kaya naman ang ganda nilang pagmasdan sa camera.
Pati sa ugali ay magkasundo sina JC at Janine na parehong walang arte sa katawan dahil ‘pag sinabing ‘take’, go na agad ang dalawa.
Walang workshop na ginawa ang dalawang artista at sa pamamagitan ng zoom ang ginawa nilang script reading sa buong araw.
Real-time ang kuwento ng Doon at Dito na pandemic kaya sa online nagkakilala at nagka-ibigan. Nabuo ang love story nila sa pag-uusap lang via computer at dahil mahal nila ang isa’t isa ay napagdesisyonan nilang magkita sa lugar na magkakaroon na ng conflicts.
Walang sinabi sa amin kung kailan ito ipalalabas o kung isasali ito sa film festival. Ang Dito at Doon ay mula sa direksiyon ni JP Habac, Jr..
FACT SHEET
ni Reggee Bonoan
