HATAW! D'yaryo ng Bayan hatawtabloid.com
GAME na sumali si Ruffa Gutierrez sa pa-game ni Maris Racal na Jojowain o Totropahin sa kanyang vlog na ipinost sa kanyang YouTube channel habang naka-break sila sa taping ng romantic comedy TV series na Stay In Love. Kasama ang ibang cast na sina Meanne, Welwel, Charm, Elsa Droga, at Pooh.
Pangalan ni Ejay Falcon ang unang binasa, dalawa sa bading na cast ang sumagot ng ‘jowa’ at lahat ay ‘tropa’ pero si Maris, “feeling ko, jowa.”
Sumunod na binanggit ang pangalan ni Carlo Aquino. “Crush ko ‘yan, love na love ko ‘yan, jowa!” say ni Pooh; ‘tropa’ naman ang isinagot ni Ruffa at si Maris naman ay, “ako tropa kasi kuya-kuyahan ko siya.”
Sumilip ang leading man ni Maris na si Kokoy De Santos sa kuwarto kung nasaan sila at sabay pakita na rin sa camera. Napansin ni Ruffa na biglang tumahimik si Maris kaya tinanong niya kung bakit, “nahihiya po kasi ako,” at sabay babay sa aktor at saka nagkatuksuhan na.
Pangatlong pangalan ay si Gerald Anderson, tinukso si Ruffa dahil hinihimas ang mahaba nitong buhok, “cute siya, ha!” sambit ng mommy nina Venice at Lorin, pero tropa ang sagot nito.
Ika-apat si Ricci Rivero na sinabi agad ni Pooh at ng ilang bading na kasama ay jowa. Si Maris ay tropa at si Ruffa ay tiningnan muna ang larawan ng basketbolista at saka sinabing, ‘okay jowa.’
At dito na nagkahiyawan ang lahat dahil nang banggitin ang pangalan ni John Lloyd Cruz, halos lahat ay jowa ang sagot na mala-Bea Alonzo. Maging si Maris ay jowa rin, si Pooh ay tropa dahil tropa naman talaga niya ang aktor, pero pagdating kay Ruffa, “dyinowa ko na ‘yan!”
Bukod kay Lloydie ay dyinowa na rin ni Ruffa sina Aga Muhlach at Zoren Legaspi.
Maging si Pasig Mayor Vico Sotto ay ‘jowa’ ang sagot ng lahat.
‘Tito’ naman ang sabi ni Maris nang mabanggit ang pangalan ni Derek Ramsay. Sina Pooh at Ruffa ay tropa ang sagot.
Tropa naman ang tingin ng lahat kina Kiko Estrada, Enchong Dee, JC de Vera, JC Santos, at Jericho Rosales.
Kinilig ang lahat nang mabanggit ang pangalan ni Ian Veneracion na may show din sa TV5, ang Oh My Dad at lahat ay jowa ang sagot.
Tinanong naman ni Ruffa si Maris kung jojowain o totropahin niya si Kokoy. “Jojowain,” ang mabilis na sagot ng dalaga kaya hiwayan to the max ang lahat.
Happy set sa romantic comedy serye na Stay in Love na napapanood sa TV5 tuwing Martes, 9:30 p.m. produced ng Cignal at Cornerstone Studios at si Rod Marmol ang direktor.
FACT SHEET
ni Reggee Bonoan
